Aldur:

3-5 ára.

Markmið:

• Að börnin auki orðaforða

• Að auka umhverfis- og náttúruvitund barna

Tenging við sjálfbærni:

• Að efla umhverfisvitund; þekkingu, skilning og væntumþykju á náttúru og umhverfi.

Áhöld:

Spjöld með bókstöfum úr stafrófinu, sjá tengil á: http://www.123skoli.is/product/stafrofid-a-litlum-spjoldum-med-mynd-og-doppu og blýantur

Lýsing á leik:

Hvert barn velur sér, dregur eða er úthlutað staf úr stafrófinu. Börnin eiga að finna einn hlut í náttúrunni eða umhverfinu sem byrjar á viðkomandi staf og kennarinn skrifa á blaðið þeirra hvaða hlut þau fundu. Hægt er að skipta stórum hópum í lið. Þá notar hvert lið allt stafrófið og reynir að finna hluti fyrir hvern staf. Það lið sem hefur fleiri hluti fyrir hvern staf eftir ákveðinn tíma vinnur. Leikurinn getur þróast í það að þegar tíminn er liðinn til að finna hluti, koma allir hóparnir saman, hver hópur gerir myndastyttu eða leikur hlutina sem þau hafa fundið og hinir hóparnir giska á hvaða hlutur þetta er.

Kennari þarf að hafa í huga:  

Þessi leikur er skemmtilegur með hópi barna. Best er að leika leikinn í stórum garði, fjöru, sveit eða skóglendi. Ef börnin hafa ekki getu til að skrifa er gott að hafa einn kennara með hvern hóp sem skrifar á blað það sem börnin segja.

Heimild:

Byggt á Stafróf náttúrunnar (Vala Smáradóttir, 2014).